ഊഞ്ഞാല്‍

കുഞ്ഞുമാങ്ങകളോടൊപ്പമാടാന്‍ ഞാന്‍

മാവിന്‍റെ കൊമ്പത്തൊരൂഞ്ഞാലു കെട്ടി.

ഊഞ്ഞാലിലാടുമ്പോള്‍ എന്നെത്തലോടി  

ഓടിയൊളിക്കുന്നു പുന്നാരക്കാറ്റ്,

ആകാശംമുട്ടി ഞാനാടുന്നനേരം

എന്നെത്തൊട്ടു പറക്കും കുഞ്ഞാറ്റകള്‍,

എന്നെ നോക്കിച്ചിരിക്കുന്നു സൂര്യന്‍,

അടിപിടികൂടുന്നു കുട്ടിമേഘങ്ങള്‍.

എല്ലാം കണ്ടു ഞാന്‍ രസിച്ചാടുമ്പോള്‍

തലയില്‍ വീണൊരു കുറുമ്പന്‍മാങ്ങ.

കരഞ്ഞു ഞാനപ്പോള്‍ വീട്ടിലേക്കോടി,

കരയുന്നതാ കൂടെ ഉണ്ണിമേഘങ്ങളും.